सोलापूर : मराठा आरक्षण प्रश्नावर सकल मराठा समाजाने पुन्हा उचल खाल्ली असून शनिवारी सोलापूर शहर व जिल्ह्यात अनेक ठिकाणी रास्ता आंदोलन करून वाहतूक रोखण्यात आली होती. सोलापूर शहरासह मोहोळ, बार्शी, करमाळा, मंगळवेढा, पंढरपूर, सांगोला व अन्य ठिकाणी रास्ता रोको करण्यात आला. मोहोळ येथे नववधू-वराने आपला अक्षता सोहळ्याचा मुहूर्त बाजूला ठेवून रास्ता रोको आंदोलनात सहभाग घेतला होता.
